Պանիր Չանախ

պանիր չանախ

Չանախ պանիր կարելի է պատրաստել կովի, ոչխարի, այծի կաթից, կամ դրանց խարնուրդներից: Չանախ պանիրը լինում է 40-50% յուղայնությամբ, խոնավությունը 49-50%,աղը 4-8%:  Չափսերը` ուղղանկյուն  20 x 18 x 12սմ: Չանախ պանիր պատրաստելու համար նախատեսված կաթը պաստերիզացնում են 72-74C  /տաքացնում են/ և պաղեցնում 32-34C մակարդելու համար: Պաղեցված կաթին ավելացնում են մակարդ 0,3-0,6 % չափով, շրդանաֆերմենտ (2,5գ 100կգ հաշվով) նախորոք ակտիվացրած 40-45 գոլ ջրում: Կաթը լավ խառնում են  և թողնում  մակարդման, որը տևում է 25-35 րոպե: Լավ, խիտ  մակարդվածք ստանալուց հետո այն դանակներով կտրատում են ուղղահայաց 12-18 մմ չափսերի, թողնում հանգիստ 5-10 րոպե շիճուկի անջատման համար և շարունակում խառնել ևս 10-15 րոպե: Որից հետո կատարում են մասսայի տաքացում  մինչև 35-36C  և շարունակում խառնել 10-15 րոպե հատիկի վերջնական պատրաստ լինելու համար:  Երկար խառնել չի թույլատրվում, այլապես հատիկը կչորանա: Հատիկը պատրաստ լինելուց հետո կատարում են պանրի ձևավորում: Մասսան լցնում են բյազե տոպրակի մեջ, լավ պտտում տեղավորում կաղապարի մեջ և կատարում ինքնամամլում, որը տեվում է 12-16 ժամ: Այդ ընթացքում պանիրները 8-10 անգամ շրջում են:   Պանիրն աղում են նրան համ տալու և պահպանելու համար: Թարմ պանիրը գցում են 16-18% խտությամբ աղաջրի մեջ և թողնում այնտեղ 12-15 օր: Աղաջրի ջերմաստիճանը 10-120 –ից բարձր չպետք է լինի, որից հետո պանիրները տեղափոխում են 15-17% խտությամբ աղաջրի մեջ, ջերմաստիճանը 12-15, և թողնում հասունացման 1-1,5 ամիս:

Ռոկֆոր պանիր      Մոթալ պանիր

Չանախ պանիր      Մքլած պանիր

Հորած պանիր       Գուդիս կղվելի 

հետ դեպի պանրագործություն բաժին>>

հետ դեպի Ագրովերամշակում բաժին>>

հետ դեպի խորհրդատվություն բաժին>>

հետ դեպի բուսաբուծություն բաժին>>