Կեֆիրի պատրաստումը

Կեֆիրի պատրաստումը

Կեֆիրի հայրենիքը Հյուսիսային Կովկասն է։ Քսաներորդ դարի սկզբից լայն տարածում է ստացել և ներկայումս արտադրվում է Ռուսաստանի ամբողջ տարածքում, իսկ կեֆիրի սնկերն արտահանվում են արտասահման։
Կեֆիրի մակարդը պատրաստում են հատուկ սնկերից, որոնք իրենցից ներկայացնում են տարբեր մանրէների միացություն կաթնաթթվային կոկերի և ցուպիկների, կաթի դրոժների, համ ու հոտ գոյացնող մանրէների, որոնք գտնվում են սիմբիոտիկ հարաբերության մեջ։ Կեֆիրի մակարդը պատրաստում են հետևյալ ձևով

1. Չոր կեֆիրի սնկերը լվանում են, վրան լցնում են եռացրած և պաղեցրած ջուր, թողնում են ջրի մեջ 2-3 օր, ամեն օր փոխելով ջուրը, մինչև սնկերը ուռչեն։
Պաստերացված, պաղեցված կաթը, որի ծավալը 8-10 անգամ ավելի է սնկերի ծավալից, լցնում են սնկերի վրա և թողնում մինչև կաթը մակարդվի։ Հետո մակարդվածքը հեռացնում են, սնկերը 2 անգամ ողողում գոլ ջրով։
2. Բանվորական մակարդի պատրաստումը։ Սնկերը անջատում են ջրից, վրան ավելացնում պաստերիզացված, պաղեցված (20–25°) զտած   կաթ   1:10   հարաբերությամբ   և   թողնոմ   10-12   ժամ,   մինչև մակարդվի։ Մակարդը քամում են մաղով և սառեցնում մինչև 6–8°։ Այդ մակարդը օգտագործվում է արտադրությունում։ Իսկ սնկերը լվանում են, նորից լցնում վրան զտած կաթ, հաջորդ օրը օտագործելու համար։ Կեֆիը պատրաստում են մեծամասամբ ռեզերվուրային եղանակով։
Նորմալացված և պաստերացված կաթի մեջ լցնում են 5-10% բանվորական մակարդ, լավ խառնում և լցնում շշերի մեջ, իսկ ռեզերվուրային եղանակի դեպքում տարբեր ծավալ ունեցող կաթի պահպանման տանկերի մեջ, որոնք ունեն շապիկ և խառնիչ։
Կաթը մակարդվում է 20–25C պայմաններում 24 ժամի թացքում։ Մակարդվելուց հետո կեֆիրը պաղեցնում են մինչև 8C–ի։ Ներկայումս կեֆիրը արտադրվում է 6; 3,2; 2,5; 1% յուղայնությամբ և նաև յուղազուրկ կաթից։ Կեֆիրի թթվությունը հասնում է 85–120°Թ։ Դրոժների ազդեցության տակ կեֆիրի մեջ տեղի է ունենում կաթնաշաքարի սպիրտային խմորում և պատրաստի կեֆիրի մեջ հայտնաբերվում է 0,4-0,6% ալկոհոլ։

Մածուն,  Կեֆիր,  Յողուրտ, Կաթնաշոռ,

Պաղպաղակի պատրաստումը

Կաթնային շամպայն

հետ դեպի ագրովերամշակում բաժին>>

հետ դեպի խորհրդատվություն բաժին>>

հետ դեպի բուսաբուծություն բաժին>>