Կատեգորիա Խոհանոց (Շիրակի ԳԱՄԿ)
Ըստ Շիրակի ԳԱՄԿ

Ջեմեր և պովիդլոներ


Ջեմեր և պովիդլոներ

Ջեմեր և պովիդլոներ

Ջեմ եփում են պտուղների և հատապտուղների շատ տեսակներից` տանձից, խնձորից, սերկևիլից, սալորից, ծիրանից, դեղձից, մոշից, բալից, մորուց, ելակից և այլն: Ի տարբերություն կոմպոտների և մուրաբաների` ջեմերի համար օգտագործում են լավ հասունացած պտուղներ, քանի որ նպատակը համասեռ զանգվածի ստացումն է: Այստեղ արդեն օշարակը, մուրաբայի օշարակի նման,  հնարավոր չէ բաժանել պտղից:  

 Պտուղներն ու հատապտուղները տեսակավորում են, լվանում հոսող ջրով, հեռացնում կորիզներն ու պտղակոթերը, ապա լցնում արծնապատ կամ պղնձե կաթսան  ու եփում մարմանդ կրակի վրա:         

Եփելու համար մաքրած յուրաքանչյուր մեկ կիլոգրամ պտղին ավելացնում են ջուր`  հետևյալ քանակությամբ.                               

1. Ծիրանին`                        1/4 թեյի բաժակ                             

2. Սալորին`                         1/4 թեյի բաժակ                                    3.Դեղձին`                            1/2 թեյի բաժակ                                    4.Խնձորին`                          1/2 թեյի բաժակ                                    5.Սերկևիլին`                        1    թեյի բաժակ                                    6.Մոշին`                              1/4 թեյի բաժակ                                    7.Մորուն`                             1/4 թեյի բաժակ                              

  8. Ելակին`                         1/4 թեյի բաժակ

 Թեթևակի եռացնելուց հետո, երբ արդեն խախտվում է պտուղների կամ հատապտուղների ամբողջականությունը, և նրանք սկսում են քայքայվել,  ավելացնում  են շաքարավազ` յուրաքանչյուր 1 կգ պտղին` հետևյալ քանակությամբ.                                    1.Ծիրանին`                         400 գրամ                                    2.Սալորին`                          600 գրամ                        

3. Դեղձին`                            500 գրամ                            

4. Խնձորին`                         600 գրամ                                  

5. Սերկևիլին`                      600 գրամ                                    6.Մոշին`                               700 գրամ                               

7. Մորուն`                            700 գրամ                                  

8. Ելակին`                            600 գրամ

   Այնուհետև շարունակում են եփելու ընթացքը,  մինչև ջեմի պատրաստ լինելը,  որը որոշվում է թանձր, մածուցիկ, միասեռ մասսայի  ստացմամբ:  Եփած ջեմը տաք վիճակում լցնում  են նախօրոք տաքացրած ապակե անոթների մեջ,  ծածկում կափարիչներով և հերմետիկ փակում: Պովիդլո  կարելի է պատրաստել ինչպես մեկ տեսակի մրգից,  այնպես  էլ մի քանի  տեսակի  խառնուրդից:   

 ԾԻՐԱՆԻ ԵՎ ԴԵՂՁԻ  ՊՈՎԻԴԼՈ  -   Հասած ծիրանի կամ պճղովի դեղձը լավ լվանում են,  հանում կորիզը, լցնում կաթսայի մեջ, վրան ավելացնում ջուր ( 1 կգ մրգին` 100գ ջուր):  10-15 րոպե եռացնում են,  հետո սառեցնում և աղում մսաղացով: Ստացված միասեռ զանգվածին  ավելացնում են շաքարավազ 1:1 հարաբերությամբ,  մոտ երկու ժամ եփում, երբեմն խառնելով, մինչև  որ նրա ծավալը  պակասի  սկբզնական ծավալի 1/3 չափով: Պատրաստ  պովիդլոն կրակի վրայից վերցնելուց հետո անմիաջապես  լցնում են  մաքուր,  չոր բանկաների մեջ, ծածկում  կափարիչներով  և հերմետիկ փակում:  

ԽՆՁՈՐԻ ԵՎ ՍԵՐԿԵՎԻԼԻ ՊՈՎԻԴԼՈ  - Հասած խնձորը և սերկևիլը լավ լվանում են, կտրտում 4 և ավելի  մասերի,  հեռացնում միջուկը, ապա լցնում են կաթսայի մեջ  և ավելացնում  ջուր (1 կգ մաքրած մրգին` 100 գ  ջուր):  Պատրաստել այնպես, ինչպես ծիրանի  և  դեղձի պովիդլոն:

Դոշաբներ>>

Մսի վերամշակում>>

Կաթի վերամշակում>>

Թթուներ և մարինադներ>>

Չրերի պատրաստում>>

Կոմպոտներ>>

Ջեմեր և պովիդլոներ>>

Մուրաբաներ>>

Հայկական տորթեր>>


To top