Կատեգորիա Խոհանոց (Շիրակի ԳԱՄԿ)
Ըստ Շիրակի ԳԱՄԿ

Մուրաբաներ


Մուրաբաները եփվում են պտուղներից և հատապտուղներից` տանձից, խնձորից, սերկևիլից, դեղձից, ծիրանից, բալից, հոնից, մոշից, ելակից, կիտրոնից, նարնջից, մանդարինից, ինչպես նաև սեխից, ձմերուկից, դդումից, բադրիջանից, կանաչ ընկույզից և այլն: Մուրաբայի մեջ պտուղները չպետք է կորցնեն իրենց բնական ձևն ու ամբողջականությունը:  Օգտագործվող պտուղը պետք է լինի հասունացած, բայց ամուր, թարմ, առողջ: Մուրաբաները եփում են ալյումինե, պղնձե կամ էմալապատ ամանների մեջ, թույլ կրակի վրա: Անհրաժեշտ է հաճախակի թեթեվակի խառնել ու քափը քաշել: Վերջում մուրաբաների պատրաստի լինելը որոշվում է օշարակի խտությամբ: Սառը ջրով լցված բաժակի մեջ գդալի ծայրով զգուշությամբ կաթեցվում է մեկ կաթիլ եփվող մուրաբայի օշարակ եթե կաթիլը ջրի մեջ ցրվում է մինչև բաժակի հատակին հասնելը, ապա նա դեռ պատրաստ չէ, իսկ եթե կաթիլը հասնում է բաժակի հատակին ու նոր միայն դանդաղ լուծվում, այդ ժամանակ մուրաբայի եփումը համարվում է ավարտված: Կարելի է նաև եփվող մուրաբայից մի կաթիլ կաթեցնել մաքուր պնակի մեջ, եթե նա արագ է ցրվում, մուրաբան դեռ պատրաստ չէ, իսկ եթե  դանդաղ է ցրվում, նշանակում է, պատրաստ է: Օշարակի խտությունը մուրաբայի պատրաստ լինելու միակ բնորոշ հատկանիշ ընդունելը ճիշտ չի լինի: Մուրաբա եփելու ժամանակ ուշադրություն պետք է դարձնել, թե ինչ չափով է պտուղը օշարակով ներծծվել: Հաջող եփված մուրաբան նույնիսկ երկար ժամանակ պահելու ընթացքում էլ ոչ թթվում է և ոչ էլ շաքարակալվում: Եփելուց հետո մուրաբան լցնում են ապակե  բանկաների մեջ և անմիջապես հերմետիկ փակում:

 

ԾԻՐԱՆԻ ՄՈՒՐԱԲԱ-Այս մուրաբան մեծ  մասամբ եփում են ծիրանի ՙսպիտակ՚ կոչվող տեսակից` կորիզով  կամ առանց կորիզի: Ծիրանը տեսակավորում են հեռացնում են պտղակոթը, ապա լվանում սառը ջրով, եթե եփում են մուրաբա առանց կորիզի, ապա հեռացնում են նաև կորիզները: Կորիզով եփելու դեպքում պտուղները ծակծկում են մի քանի տեղից` (ամբողջ մակերեսով մեկ):  Ծակծկված պտուղների մեջ օշարակը լավ է ներծծվում: Այնուհետև պատրաստում են շաքարաջուր, յուրաքանչյուր 1 կգ պտղի համար` 3/ 4 թեյի բաժակ ջուր և 1 կգ շաքարավազ: Շաքարաջուրը թանզիֆով (մառլայով) քամում են, տաք վիճակում լցնում նախապատրաստած պտղի վրա և եփում թույլ կրակի վրա` ժամանակ առ ժամանակ խառնելով ու հեռացնելով քափը: Որպեսզի պտուղները լավ ներծծեն օշարակը,  նպատակահարմար է եփել երկու անգամ, 25-30 րոպե եփելուց հետո մուրաբան վերցնել կրակի վրայից, թողնել 5-6 ժամ, ապա նորից եփել: Շաքարակալում թույլ չտալու համար կրակի վրայից վերցնելուց 5 րոպե առաջ մուրաբային ավելացնում են լիմոնաթթու կամ քացախ`  յուրաքանչյուր 1 կգ պտղին` 2 գ հաշվով, ջրում լուծված վիճակում: Կարելի է նաև լիմոնը շերտ-շերտ կտրտել, 10 րոպե առաջ ավելացնել մուրաբային և եփել: Ծիրանի համը և բուրմունքը լավացնելու համար վերջում ավելացնում են վանիլին:

 

 ԽՆՁՈՐԻ ՄՈՒՐԱԲԱ -Պտուղները բաժանում են շերտերի, սուր դանակով հեռացնում կեղևը և միջուկը, խաշում եռջրում մոտ 5 րոպե և անմիջապես սառը ջրում սառեցնում: Որպեսզի մաքրված պտուղները եփելուց առաջ չսևանան, պահվում են սառը ջրի մեջ: Այնուհետև պատրաստում են շաքարաջուր, յուրաքանչյուր կիլոգրամ մաքրած պտղին` 1 թեյի բաժակ ջուր և 1 կգ շաքարավազ: Շաքարաջուրը թանզիֆով (մառլայով) քամում են, ապա տաք վիճակում լցնում նախապատրաստած պտղի վրա և եփում: Որպեսզի պտուղը լավ ներծծվի օշարակով, նպատակահարմար է եփել երկու անգամ: Առաջին անգամ եփել մոտ 30 րոպե, ապա թողնել 5-6 ժամ: Երկրորդ անգամ եփել այնքան, մինչև որ  մուրաբան պատրաստ լինի:

 

ՍԵՐԿԵՎԻԼԻ ՄՈՒՐԱԲԱ-Սերկևիլի մուրաբան եփում են ինչպես խնձորի մուրաբան:

 

ՏԱՆՁԻ ՄՈՒՐԱԲԱ -Մուրաբա եփում են տանձի այն  տեսակներից, որոնք ունեն նուրբ պտղամիս:  Խորհուրդ չի տրվում մուրաբա եփել տանձի կոշտ տեսակներից: Մուրաբա եփելու համար լավ է տանձի մալաչա տեսակը: Ընտրում են առողջ տանձերը, հեռացնում պտղակոթերը, բաժանում շերտերի: Հետո սուր դանակով հեռացնում են պտղի կեղևն ու միջուկը: Որպեսզի մաքրած պտուղները մինչև եփելը չսևանան, դրանք պահում են սառը ջրի մեջ: Այնուհետև պատրաստում են  շաքարաջուր.


To top